كلمات أغنية شوية حبايب - حمزة نمرة | ألبوم هطير من تاني | Shuwayyet Habayeb Lyrics - Hamza Namira
ييجي علّيا الليل و يطوّل
و الشتا بقى أسقع م الأول
و اللي يشوفنا هيفهم حالنا
لو شفت دموعي هتعذرني
كل شوية الذِكرى تزورني
أيوة يا قلبي أنا عارف مالنا
ناقصنا شوية حبايب
كلمتين ويّاك يا غايب
ولّا نظرة حنيّنة
ناقصنا حد يواسينا
لما بيطبطب علينا
يهدى و يرتاح قلبنا
لسّه البُعد مأثر فيّا
لسّه دموعنا يا قلبي وفيّة
و يا ترى هُمّا بيبكوا عليّا؟
لسّه البال في غيابهم شارد
حاسس إن رجوعهم وارد
بس بنسبة كام في المِيّة؟
ناقصنا شوية حبايب
كلمتين ويّاك يا غايب
ولّا نظرة حنيّنة
ناقصنا حد يواسينا
لما بيطبطب علينا
يهدى و يرتاح قلبنا
رايحة و جاية عينيك ع الصورة
في حتّة ف قلبك مكسورة
طب هات كدا عينك ف عينيّا
ولا دي ملامحك ولا دا إنت
فرْحك دايماً ناقص حتّة
لسّاك مش عارف أيه هيَّ؟
ناقصنا شوية حبايب
كلمتين ويّاك يا غايب
ولّا نظرة حنيّنة
ناقصنا حد يواسينا
لما بيطبطب علينا
يهدى و يرتاح قلبنا
ناقصنا شوية حبايب
مشتاقين للقاك يا غايب
شوف بقالنا كام سنة
ناقصنا حد يواسينا
لما بيطبطب علينا
يهدى و يرتاح قلبنا
0 تعليقات
أخبرنا رأيك👇😃