كلمات أغنية شيكايو - حمزة نمرة | ألبوم هطير من تاني | Sheekayyo Lyrics - Hamza Namira
حاسب ياسطى
هَدّي ياسطى
هنموت ياسطى
بالصلاة ع النبي أنا هحكيلكم حكايتنا الأزلية
يادي الوكسة دي نفس الحادثة بتتعاد كل شوية
بالصلاة ع النبي أنا هحكيلكم حكايتنا الأزلية
يادي الوكسة دي نفس الحادثة بتتعاد كل شوية
أنا راكب أتوبيس مع ناس
مجانين و أنا بينهم محتاس
و نازلين كُبري بآخر سرعة
و السواق داخل على تِرْعة
شيكايّو يا شيكايّو
سواقنا ده مفيش زَيُّه
شيكايّو يا شيكايّو
سواقنا ده مفيش زَيُّه
و السواق مبسوط و بيضحك
و مفيش حتى فرامل
كل ما أقولّه هنغرق ياسطى
ولا سامع ولا سائل
و السواق مبسوط و بيضحك
و مفيش حتى فرامل
كل ما أقولّه هنغرق ياسطى
ولا سامع ولا سائل
و الركاب مقسومة نصين
و إحنا ف وسطيهم مساكين
في ناس تطبلّه و بتشجّع
و ناس بتدعي الأتوبيس يولع
يا باشا معاك بني آدمين
شيل رجلك من ع البنزين
يا باشا ما تخش شمال
هو إنت ما عندكش عيال
ياسطى و حياة أبوك
أنزل هنا أرجوك
و في تلك اللحظة التاريخية
و إحنا بنبقلل في المية
الحدوتة خلصت يا عنيا
و نتقابل في الحادثة الجاية
شيكايّو يا شيكايّو
سواقنا ده مفيش زَيُّه
شيكايّو يا شيكايّو
سواقنا ده مفيش زَيُّه
ياللي ع الترعة حوّد ع المالح
إحنا في المية من ليلة إمبارح
سيد يا سيد في الخيبة نصبح و نبيّت
سيد يا سيد في الخيبة نصبح و نبيّت
ما تزغرطي يا أُم فاروق
إبنك في المَيّة مزنوق
سواقنا ده مفيش زَيُّه
0 تعليقات
أخبرنا رأيك👇😃