كلمات أغنية بص بص - حمزة نمرة | ألبوم هطير من تاني | Bos Bos Lyrics - Hamza Namira
فَرْشِة صاحب السعادة
معروف في السوق يا سادة
أسعار من غير زيادة
و رجِعْنَا لزمن الرُخْص
أنا مش ببيع غناوة
في فصال و في نقاوة
مين قدّك في الغلاوة
افتح شُنَطَك و رُصّ
بُص بُص بُص
مين قالَّك تشتري
قرّب حمِّل و رُصّ
لا مين شاف ولا مين دِري
و دا بُص بُص بُص
مين قالَّك تشتري
قرّب حمِّل و رُصّ
لا مين شاف ولا مين دِري
خُدْ مِنّي حِتّة حِتّة
شيل أبو ستين بسِتّة
أو حتى خلّي عنّك
لأجل عيونك يا بُوصّ
دي بضاعة ناسها غايبة
ملهاش صاحب و سايبة
محسوبك صاحي جداً
مابضيّعش الفُرَص
بُص بُص بُص
مين قالَّك تشتري
قرَّب حمِّل و رُصّ
لا مين شاف ولا مين دِري
و دا بُص بُص بُص
مين قالَّك تشتري
قرّب حمِّل و رُصّ
لا مين شاف ولا مين دِري
دي بضاعة آخر نقاوة
عَبِّي و لِيّا الحلاوة
شِيل و اخلع في الهداوة
من غير ما الناس تحس
حَمِّل كل اللي باقي
فُرْصَة و في حد لاقي
شِيل فى الشيفت المسائي
و الدُنيا هُسّ هُسّ
بُص بُص بُص
مين قالَّك تشتري
قرَّب حمِّل و رُصّ
لا مين شاف ولا مين دِري
و دا بُص بُص بُص
مين قالَّك تشتري
قرَّب حمِّل و رُصّ
لا مين شاف ولا مين دِري
ما تكبَّرش الحكاية
مين هيدَوّر ورايا
دا أنا وراث من بابايا
اوعى تفكَّرني لِصّ
مُولِد و صاحبه غايب
و الغايب ما له نايب
ماهُو سايب ماله سايب
و بيرجَع يتقِمِص
بُص بُص بُص
مين قالَّك تشتري
قرَّب حمِّل و رُصّ
لا مين شاف ولا مين دِري
و دا بُص بُص بُص
مين قالَّك تشتري
قرَّب حمِّل و رُصّ
لا مين شاف ولا مين دِري
براحة و تاتا تاتا
هنسيبها عالبلاطة
بَيعَة في غاية البساطة
سِيبلي الموضوع دا بس
ما تخلِّي عينك قوية
دي الحاجة دي ليك و لِيّا
حد يرُد الهِدية
يا عَمّ بَس بَس
بُص بُص بُص
مين قالَّك تشتري
قرَّب حمِّل و رُصّ
لا مين شاف ولا مين دِري
و دا بُص بُص بُص
مين قالَّك تشتري
قرَّب حمِّل و رُصّ
لا مين شاف ولا مين دِري
أنا بِعْت هناك و هبيع من هنا
زعلان مننا اعمل زَيّنا
الدُنيا ربيع و الجو بديع
على قد ما تقدر بِيع
شكلنا معروف وِشّنا مكشوف
عيني عينك و اللي يشوف ما يشوف
ولا في عند اللي جابونا كسوف
و اللي هينطق هيضيع
بُص بُص بُص
مين قالَّك تشتري
قرَّب حمِّل و رُصّ
لا مين شاف ولا مين دِري
و دا بُص بُص بُص
مين قالَّك تشتري
قرَّب حمِّل و رُصّ
لا مين شاف ولا مين دِري
و دا بُص بُص بُص
و رِجِعْنا لزمن الرُخْص
و بُص بُص بُص
و بُص تخِس النُص
و بُص على الحلاوة
و بُص على النقاوة
يا لَيلِي يا لَيلِي
0 تعليقات
أخبرنا رأيك👇😃