كلمات أغنية معلش - حمزة نمرة | Ma3lesh Lyrics - Hamza Namira
أنا كان ناقصني كتير عَلَام
مع دُنيا طِلعت مش تمام
تدوسني قال معلش قوم
شكرًا أوى ملهوش لزوم
معلش يا معلش الدُّنيا لاوية دراعي
ومصدَّرالي الوِشّ قارشة وقافشه من غير داعي
حِلّيني يا معلش وشوفي حد بَدالي
لا ترنّي في وداني ولا تيجلي في طرف لساني
معلش هعمل بيها إيه
لا تشيل وجع ولا بتداويه
ما بقِتش بتحوَّق خلاص
ولا ناس بتسمع م الأساس
والكل متعلِّم عليه
الدُّنيا بتخاف م الغشيم
تعملُّه ميت مليون حساب
أما الغلابة الطيّبين
يمين يمين وأمين أمين
ربَّك يعوّض عاللي ساب
معلش يا معلش الدُّنيا لاوية دراعي
ومصدَّرالي الوِشّ قارشة وقافشه من غير داعي
حِلّيني يا معلش وشوفي حد بَدالي
لا ترنّي في وداني ولا تيجلي في طرف لساني
لما تِجَلّي من العيال
الفقري واللي بختُه مال
معلش دي هتجيبلُه كام؟
آخرُه هيصبُر والسلام
ويجيبها في العرضة الشِّمال
واقفة كده متكتِّفَة
بتعيّطي ومتشحتِفة
ولا مرّة رجَّعتِي اللي فات
ويادوب بنحزن مِن سُكات
واشرب تقولِّي بالشِّفا
معلش يا معلش دُنيتنا لاوية دراعي
ومصدَّرالي الوِشّ قارشة وقافشه من غير داعي
حِلّيني يا معلش وشوفي حد بَدالي
لا ترنّي في وداني ولا تيجلي في طرف لساني
0 تعليقات
أخبرنا رأيك👇😃