كلمات أغنية أحكيلك خوفي - حمزة نمرة | Ahkeelak Khoofy Lyrics - Hamza Namira
الرعب في أفلام السيما بقى دمُّه تقيل
الرعب في أفلام السيما أصلًا تمثيل
الخوف اللي بجد بعيشه بَرّه القاعة
عفاريت وبتطلع في نهاري وكمان بالليل
أحكيلَك خوفي .. أحكيلَك خوفي
أحكيلَك خوفي .. أحكيلَك خوفي
أحكيلَك خوفي من الوحدة ولّا المجهول
ومكالمة مهمة بتدّيني دايمًا مشغول
والخوف على ناس جُوَّه عيوني ليفارقوني
والخوف من طولي وانا باحلم ما اقدرش أطول
أحكيلَك خوفي .. أحكيلَك خوفي
أحكيلَك خوفي .. أحكيلَك خوفي
وبخاف على قلبي اللي أنا غيره بس ما حيلتيش
وبخاف لا يكون عندك جُوّه وتقولّي مفيش
وبتجري البطلة في السيما خايفة لا تموت
إنما أنا واقف في مكاني من خوفي لاعيش
أحكيلَك خوفي .. أحكيلَك خوفي
أحكيلَك خوفي .. أحكيلَك خوفي
نجم الشباك اللي مخَلّي الفُرجة ببلاش
الخوف بيحبُّه وبياخد وبيدّي معاه
السيما بتقفل وده عرضُه دايمًا شغّال
مع كل بطولة بيفوَّض أمرُه لله
أحكيلَك خوفي .. أحكيلَك خوفي
أحكيلَك خوفي .. أحكيلَك خوفي
يا ليلي يا يا يا ليل
يا عيني يا ليل
أحكيلَك خوفي .. يا خوفي يا خوفي
يا خوفي يا خوفي
0 تعليقات
أخبرنا رأيك👇😃