كلمات أنشودة الجروح - مشاري العفاسي
الله خلق لي نفس تسمو على البوح
ماهي بي لضاقت من الهم باحت
على كثر ما شفت ضيقات وجروح
لا الوجه متغيّر ولا العين صاحت
أبشّرك بشارة الروح للروح
تبي تطيّحني الليالي وطاحت
هذا أنا والوجه باسم ومشروح
وجهٍ بروقه لمعظم الناس لاحت
كم محزنٍ بنى على شوفه صُروح
وكم نفس من طارف عطاه استراحت
الله وهبنا عز وامجاد وطموح
وذكرٍ على جدران الايام ناحَت
هذي مراجِل ماهي بضحك ومزوح
ماهي شموعٍ لضوى الصبح ساحت
الصفح خصلة والفخر ما له سطوح
و الحزن لي سيطر على الروح ناحَت
بعض الجروح تجي لك شوي وتروح
بعض الجروح إن جات ما عاد راحت
الله خلق لي نفس تسمو على البوح
ماهي بي لضاقت من الهم باحت
0 تعليقات
أخبرنا رأيك👇😃