كلمات ألبوم رباعيات في حب الله - وائل جسار
سر الغيب
سِر الغيب في حجاب مستور
وأنا يا طبيب دايماً مغرور
بدعي يا رب تنوّر قلبي
وتطفّي النار يا شكور بالنور
ــــــــــــــــــــــــــــــــــــــــــــــــــــــــــــ
إحنا اتخلقنا مسلمين
إحنا اتخلقنا مسلمين
إياك نعبدُ خاشعين
نطلب رضاك
ومفيش سواك
وبنور جلالك نستعين
ــــــــــــــــــــــــــــــــــــــــــــــــــــــــــــ
النار بتاكل نفسها
النار بتاكل نفسها
من غِلّها ومن يأسها
والروح يا رب بقدرتك
مفيش شيطان هيمسها
ــــــــــــــــــــــــــــــــــــــــــــــــــــــــــــ
يا رب ذنوبي بخفيها
يا رب ذنوبي بخفيها
مراية الروح تبان فيها
تفور من العين سَبَع براكين
في بير زمزم بطفّيها
ــــــــــــــــــــــــــــــــــــــــــــــــــــــــــــ
شجرة قلبي
شجرة قلبي تملّي بصونها
ودموع روحي على أغصانها
شجرة قلبي تملّي بصونها
ودموع روحي على أغصانها
لمي تغيب الشمس عليها
نور سبحانه بيطمّنها
نور سبحانه بيطمّنها
ــــــــــــــــــــــــــــــــــــــــــــــــــــــــــــ
يا إلهي الرحيم
يا إلهي الرحيم الأمان الأمان
من الشيطان الخفي والشيطان اللي بان
من عيون العدو ومن عيون الصديق
من سؤال اللئيم والخسيس والجبان
يا إلهي الرحيم الأمان الأمان
ــــــــــــــــــــــــــــــــــــــــــــــــــــــــــــ
عليه العوض
عليه العوض منه العوض
مقبلش من غيره العوض
يا ربّي راضي بقسمتي
بالفقر والجوع والمرض
ــــــــــــــــــــــــــــــــــــــــــــــــــــــــــــ
بخاف من الضحكة
بخاف من الضحكة والتكشيرة
واللي في قلبه يداري الغيرة
بخاف من الضحكة والتكشيرة
واللي في قلبه يداري الغيرة
من اللي بيضحك وبيحسدني
وعين القلب يا رب بصيرة
ــــــــــــــــــــــــــــــــــــــــــــــــــــــــــــ
بناديلهم وبسمعهم
بناديلهم وبسمعهم
وبدعيلهم تشبّعهم
بناديلهم وبسمعهم
وبدعيلهم تشبّعهم
ماتحوِجهم لحد يا رب
ولا لمخلوق يجوّعهم
ــــــــــــــــــــــــــــــــــــــــــــــــــــــــــــ
أُمك وأبوك
أمك وأبوك علطول حبُّوك
ليه إنت بقيت غصن من الشوك
ادعي لِربّك يغفر ذنبك
وافتح قلبك لما يعاتبوك
ــــــــــــــــــــــــــــــــــــــــــــــــــــــــــــ
بضحي بروحي
بضحّي بروحي مش نادم
وأحس بإني بني آدم
يا رب أنا نِفسي أعيش فرحان
وأموت مظلوم ومش ظالم
ــــــــــــــــــــــــــــــــــــــــــــــــــــــــــــ
يا رب سلّم
يـــــا الله
يا رب سَلِّم منّهم
من غِلّهم وجهلهم
و ازرع في قلبي المغفرة
لما يزيدوا في ظلمهم
ــــــــــــــــــــــــــــــــــــــــــــــــــــــــــــ
رب الحياة والموت
رب الحياة والموت
بخاف أنام لا أموت
ببكي في أحلامي
من غير دموع ولا صوت
ــــــــــــــــــــــــــــــــــــــــــــــــــــــــــــ
الاختيار
يا ابن آدم الاختيار
عدلك وظُلمك إختيار
في مشيئة الله الرِضا
وجهللك وعِلمك إختيار
ــــــــــــــــــــــــــــــــــــــــــــــــــــــــــــ
يا رب
يا رب يا حي يا قيوم
حمام الروح على المَدْنَة
يصلي يصوم ولمّا يقوم
بينده لِي على ولادنا
ــــــــــــــــــــــــــــــــــــــــــــــــــــــــــــ
في رياض الحسن
في رياض الحُسن الربّاني
أنا برّا مكاني وزماني
أشجار بتسبّح لخالقها
وزهور بتطير من بستاني
ــــــــــــــــــــــــــــــــــــــــــــــــــــــــــــ
الدنيا حلم
الدنيا حلم بتحلموه
حتندموا لو تفهموه
استغفروا ربّي العظيم
واتعلموا إزّاي تحمدوه
ــــــــــــــــــــــــــــــــــــــــــــــــــــــــــــ
أنا اتفطمت من الذنوب
أنا اتفطمت من الذنوب
وشبعت من قوت القلوب
ومن حلاوة الرِضـــــا
من الفرحة لما قدرت اتوب
ــــــــــــــــــــــــــــــــــــــــــــــــــــــــــــ
يا رب العالمين
يا ربّ العالمين
في بحر الطيّبين
النِيّة صافيه جداً
والناس قريبين
ــــــــــــــــــــــــــــــــــــــــــــــــــــــــــــ
يا ربي أنا مكسوف
يا ربي أنا مكسوف
بزرع في قلبي الخوف
مبقولش كلمة حق لو
شوفت سيف مقصوف
ــــــــــــــــــــــــــــــــــــــــــــــــــــــــــــ
ربي العليم البصير
ربي العليم البصير
أنا نِفْسي أموت عالسرير
وأنول رِضاك في آخرتي
من غير مرض وهموم كتير
ــــــــــــــــــــــــــــــــــــــــــــــــــــــــــــ
نحل الخيال
نَحل الخَيال بيطِنّ
إبليس يزوم ويزنّ
ارحمني يا ربّي
قلبي الضعيف بيأنّ
ــــــــــــــــــــــــــــــــــــــــــــــــــــــــــــ
يا رزاق
يا رزاق يا كريم يا عظيم
بمشيئتك الشمس نسيم
وبنشبع من لقمة حلال
وبحَمْدك بنعيش في نعيم
ــــــــــــــــــــــــــــــــــــــــــــــــــــــــــــ
الموت فرح
الموت فَرَح يوم الحساب
ويا ريت دُعائي مستجاب
اوعدني يا ربّي بلُقاك
خَلّصني من طَبع القُراب
ــــــــــــــــــــــــــــــــــــــــــــــــــــــــــــ
قلت لنبيا المصطفى
قُلت لنبينا المُصطفى
هوّ السلام ليه اختفى؟
صرخ اليمام في الغار وقال
عشان مفيش لحظة صَفَا
ــــــــــــــــــــــــــــــــــــــــــــــــــــــــــــ
يا رب الروح
يا رب الروح أنا طيّب
مع الشرير مع الطّيب
ملاذ لِيهم وأم وأبّ
ولو بعدوا أنا قُريّب
ــــــــــــــــــــــــــــــــــــــــــــــــــــــــــــ
مش خوف من الموت
مِش خوف من الموت والحساب
ولّا عشان آخد ثواب
بلجأ إليك من غير غرض
وفي حُب ربّي مفيش عذاب
ــــــــــــــــــــــــــــــــــــــــــــــــــــــــــــ
الوصال
الوصال الوصال
يا حَميد الخِصال
روحي تسأل بلال
والقمر والهِلال
إمتى أصلي وأقول
في مقام الرسول
لو ينول القبول
نسل روحي الحلال
ــــــــــــــــــــــــــــــــــــــــــــــــــــــــــــ
ورق الشجر
ورق الشجر سقّف لهم
شمس وقمر على حِجرهم
اللي رِضيت عنهم يا رب
بتمني أعيش في ضِلّهم
ــــــــــــــــــــــــــــــــــــــــــــــــــــــــــــ
الخوف مرض
الخوف مرض والوهم خوف
ومن الندم إزاي هشوف
ربّي البصير إيه المصير
والشمس غابت من الكسوف
0 تعليقات
أخبرنا رأيك👇😃