كلمات أغنية في عام الحزن - وائل جسار
في عام الحُزن يا نبينا
دموعك طاهرة تسقينا
وأهل الكُفر في زمانهم
شايفهم لسّه وِسطينا
ندهت وقلت مولانا
يارب الكون لا تنسانا
بيقفوا صفوف ورجموني
ونور الحق ويّانا
إلهى حَنّن الأحجار
وطفل جميل من الكفار
بيجري عليك وخير يدّيك
بأذن الواحد الغفّار
ملاك ينزل وبيجِيلهم
و قال من غضبه يا ويلهم
طلبت الرحمة من الرحمن
وبدموعك بتدعيلهم
رسول الرحمة بتسامح
ولو قالوا كلام جارح
تقول يا رب نجّيهم
أكيد فيهم واحد صالح
يا طاهر نِفسي اكون طاهر
من الباطن ومن الظاهر
ومهما أشوف غصب أو خوف
أكون شفّاف ومش ظاهر
من الدعوات ماشاء الله
ناخد نفحات رسول الله
ولو مِلنا بيعدلنا
ويقبلنا بإذن الله
0 تعليقات
أخبرنا رأيك👇😃