كلمات أغنية فارس على ضهر الحصان الابيض للفنان أحمد جمال - تتر برنامج إنسان جديد للداعية مصطفى حسني

 كلمات أغنية فارس على ضهر الحصان الابيض للفنان أحمد جمال - تتر برنامج إنسان جديد للداعية مصطفى حسني

فارس على ضهر الحُصان الأبيض

شايف بعيني بكرة أنا وبعده

عارف إن همّي ده فيه فرج بعده

ولا عندي وقت لدموعي أو يأسي

ولا عندي وقت أزعل على نفسي

أنا عمري كله كام على بعضه

وأنا مش بعيد عن فرحة العمر اللي جايّة

مهما غابت عنّي جايّة قلبي متمسك عنيد

عندي عزيمة وعمري ما اقبل بالهزيمة

في وسط لحظاتي الأليمة بابتسم بإيمان أكيد

ولو الحياة في كل يوم تخلق مصاعب جديدة

قادر أكون في كل يوم إنسان جديد

نادى المُنادي عالصلاة لَبّيت

ورفعت إيدي للسما ودعيت

يا رب ترزقني الثبات في الأمر

وتهدي قلبي لو في يوم ضلّيت

أنا اتكلت عليك ونِعم الوكيل

يا رب ردني ليك برَدّ جميل

مكتوب عليا يكون طريقي طويل

وإنت المداوي لكل قلب عليل

وأنا مش بعيد عن فرحة العمر اللي جايّة

مهما غابت عنّي جايّة قلبي متمسك عنيد

عندي عزيمة وعمري ما اقبل بالهزيمة

في وسط لحظاتي الأليمة بابتسم بإيمان أكيد

ولو الحياة في كل يوم تخلق مصاعب جديدة

قادر أكون في كل يوم إنسان جديد