كلمات أغنية التغريبة ٢(تذكرتي رايح جي) - حمزة نمرة | ألبوم إنسان | Tazkarti Lyrics - Hamza Namira
طعم البِعاد صبّار
و الغُربة ليل بهتان
يا قلب يا موجوع
إياك تكون قلقان
لو طالت المسافات
أنا و الأمل إخوات
و تالتنا كان الليل
دا أنا ليّا فيها النيل
و ليها فيّا الروح
ما اخترتش إنّي أروح
مانا جوعي كان كفران
ملعون أبوك يا طموح
آخرك تشوفلي كفيل
لكنّي مش قلقان
تذكرتي رايح جَيّ
طعم البِعاد صبّار
و الغُربة ليل بهتان
يا قلب يا موجوع
إياك تكون قلقان
أنا مش في بلدي عويل
لكني مش بتشاف
زهرة سنيني عجاف
مع إن ليّا عزيز
إفتوني في رؤياي
لمّوا الأماني إزاي
حطّوها ع الباسبور
أحلامي صبحت بُور
ممنوع عليها الضَيّ
لكنّي مش قلقان
تذكرتي رايح جَيّ
البُعد عنِّك خوف
و أنا ع الرجوع ملهوف
لكن هعود إزاي
و مكاني كله ضيوف
يا قلب يا موجوع
يا آهه حاضنة دموع
حب البلد بيعيش
لما يموت الجوع
يا حضن بيساعني
و احتجتله و باعني
ساعة ما مدّ إيديه
شاور و ودّعني
لكنّي مش قلقان
تذكرتي رايح جَيّ
0 تعليقات
أخبرنا رأيك👇😃