كلمات أغنية دوري يا دنيا عليه - حمزة نمرة | ألبوم إنسان | Doori Lyrics - Hamza Namira
الأيام زي امتحان
و النتايج بالميزان
كل واحد ليه معاد
لما بيئون الأوان
و اللي طالع فيها فوق
و اللي طامع في الحقوق
بُكْرة ييجي اليوم يفوق
دي الحياة داين تدان
و اللي ظُلْم الناس في إيده
ماشي متعكّز عليه
دوري يا دنيا عليه
وَرّيه بعنيه
و قوليله مُحال الحال يدوم لو هو أيه
دوري يا دنيا عليه
وَرّيه بعنيه
دا العمر حساب في كتاب يشوف مكتوبله أيه
دنيا تلاهي تملّي تدور
دنيا ملاهي و مش بالدور
و اللي بيشبط فيها بيحلم
إمتى تحن و ياخد دور
بس هيعلى لغاية فين
برضو هينزل لكن فين
لما يشوف الناس من فوق
غيره بييجي عليه الدور
بالأيام اتغطى و ناسي
إن ساعتها بتعرّيه
دوري يا دنيا عليه
وَرّيه بعنيه
و قوليله مُحال الحال يدوم لو هو أيه
دوري يا دنيا عليه
وَرّيه بعنيه
دا العمر حساب في كتاب يشوف مكتوبله أيه
قلب لكل الناس مفتوح
راضي برزقه و بالمسموح
تتبسم أيامه و تِحْلى
علشان هي حلاوة روح
لكن وقت ما يطمع فيها
حتى ترابها ما يملى عينيه
دوري يا دنيا عليه
وَرّيه بعنيه
و قوليله مُحال الحال يدوم لو هو أيه
دوري يا دنيا عليه
وَرّيه بعنيه
دا العمر حساب في كتاب يشوف مكتوبله أيه
0 تعليقات
أخبرنا رأيك👇😃